(this article does not provide English version)
過得黎鋪頭, 所有客都一定已經有晒車牌啦. 仲駛乜再考慮要學車呢? 您唔駛, 可能您身邊既人要呢? 而家啲車越黎越平, 唔排除第時10萬內都有既全新0手車先諗不如考番個車牌就太遲吧? 就算唔係香港渣, 都會有諗住係去旅行渣. 去日本沖繩, 成班人, 渣車好過坐車吧?
🚗買部二手車P牌練車, 2萬左右冇穿冇爛其實都有交易.
電動車既出現, 而家10幾萬都有部全新車.
🚘維修費貴? 如果自己識得保養好, 電池又用耐啲, 呔又可以用耐啲. 但您買部 Tesla 要預左換呔一定貴.
(如果諗住自己港車北上, 有啲野整完之後出事係有發生過的. 寧願係內地換呔都唔係香港換? 有事上黎就預左我咩都唔講啦. 打開鋪頭做生意, 您係第二度換完呔問我關於呔既問題, 點解您又唔問您換個間呔鋪呢? )
💸其實最大支出係停車場費. 現時見室內停車場每月係 $3600 - $4000 左右. 只要呢條數cover到一半, 養一部車就會變左易得多. 用得多部車, 條數仲更加值.
考車牌除左係香港考之外, 而家都有唔少人係大陸到考.
如果您決定係香港考, 出面自己搵師傅上堂的話, 可以搵下 下面呢位師傅睇下岩唔岩您? 港九新界都可以預約.
whatsapp 聯絡: 9447 3930
雖然我當年一take pass 個陣都係考街搵李建, 不過聽講而家啲考車費越黎越貴. 唔少都自己出去搵.
最近就有個朋友係香港考左第一次fail左之後, 覺得個標準太不一, 決定去番大陸考. (佢仲考緊)
價錢: (筆試加路試上堂所有加埋) 大約 RMB5000幾
筆試: 未考之前, 需要做兩次100題既題目 (需要係指定時間內完成及答岩90條). 當中包括路線, 指示牌, 交警手勢指示等... (冇notes, 要自己上網溫). 筆試考兩次.
筆試: 未考之前, 需要做兩次100題既題目 (需要係指定時間內完成及答岩90條). 當中包括路線, 指示牌, 交警手勢指示等... (冇notes, 要自己上網溫). 筆試考兩次.
路試: 未落實報之前都需要"學習指定時數". 正式考時當日有5次機會可以重考. (考1次泊位, 1次路試. 好似話泊位要係指定時間內完成兩次唔同既泊位方式.)
按道理上, 內地所考既車牌比香港除左較考得多野之外, 仲需要更多時間去學習. 對比係香港, 係學習路面時, 其實學得比較更多野. 考到牌後隔左段時間可以申請香港駕駛牌照.
如果掙扎緊, 到底係香港考定係內地考, 應該點都先試下係香港考. (考完再上內地補下鐘). (個人認為) 您係香港咁細既地方都渣得掂, 就算港車北上 或申請國際牌去第二度渣都一定難唔到您. 係香港考左後覺得被人tick錯, 改去內地考都應該難唔到您.
