Michelin 其實都有保養? 行貨米芝蓮申請檢察

見到馬牌出左180日保養, 有客問, Michelin 有冇呀?
Michelin 暫時係無呢樣野的. 相信短期內都唔會有. 不過, Michelin 其實都有另一種既所謂保養. 先用下面既例子作介紹

上年曾經賣過Michelin 俾一個客, 佢係今年年初於九龍一間呔鋪到補呔. 個間呔鋪師傅話, 因為條呔質量問題, 所以漏氣.

個客就發左張相俾小弟......

相指既位, 係一個好細既位見到漏氣.

呔鋪師傅就幫佢吉野入去補啦.

睇完相, 聽完個客既concern 之後, 小弟就....

其實就好奇想知點解個位師傅咁厲害可以一睇就係質量問題, 而唔係俾野吉到呢?

我地鋪年中都有好多professional 司機過黎同我地講:

"X, 我都係泊左係人地門口一陣je, 就俾佢吉爆我條呔"

所以係唔排除都有呢個可能性. (而小弟都係覺得most likely 都係被野吉)

入番正題先.

--------------------------

如果車主真係覺得係質量問題引致輪胎漏氣, 其實可以(經呔鋪) 向總代理申請inspection.

麻煩既係, 車主需要拆番條呔出黎交俾代理去檢查. 係呢個時候, 其實您係要搵另一條呔用住先, 或者係先用後備呔的.

如果總代理查完發現真係質量問題, 一定會賠番條新呔

最後個客都係覺得呢樣野麻煩所以冇申請到. 其實我都想佢咁申請檢查, 因為我又可以睇下代理個邊個份report 係點寫.

(講真, 如果米芝蓮行貨都有質量問題, 呢個case 都足夠影響到佢係香港市場既 reputation)

一定要係Michelin 行貨先可以申請. 所以您都係會去番您買呔個間呔鋪到問.

如果您都係平時黎開Tyrehood 到既, 只係咁岩您個日迫住要係其他鋪頭到換, 小弟當然會幫您搞埋又點話.

至於點睇買番黎既係行定水貨, 就留意番另一個post 啦.

順帶一提,  呢個位補呔, 通常內補會好過吉支野入去. 因為驚支野行行下會甩 或者係最後都會漏. 不過內補都麻煩, 因為岩岩係正個curve 位. 只係如果要比較吉支野既補, 同內補, 咁當然內補會比較上comp 行啲

馬牌180日保養, 係咪真係咁特別?

**馬牌保養註冊方法**

除左本身經whatsapp 去註冊之外, 而家都可以經 Tyrehood 既手機程式去註冊啦.

Android 用家, 可以係 Google Play 到輸入 "Tyrehood" 就會出發我地既手機應用程式 Tyrehood Zone. 

下載之後, 先註冊成為 Tyrehood 會員, 就可以以會員登入左Tyrehood Zone, 係左邊既目錄禁: 資料, 就會見到有個馬牌保養登記, 再禁入去就可以填資料再禁制發出嫁啦.

********

當馬牌同我講話會有180日保養既時候, 其實個感覺真係幾好的. 哇, 有保養喎. 當然係要sell 下佢地既好處. 因為我地都有賣馬牌行貨麻. 

小弟當然第一時間問既係, 咁條款呢? 一定受約束呢的野. 隔左一陣, 拎到呢張卡, 就即時睇一睇. 張卡, 係冇寫到條款的..... 要另外scan 個QR code 先知個條款. 

未講之前, 車主最近買呔既時候, 可能會發現, 點解有啲呔鋪都有賣馬牌行貨, 但係點解都冇保養既?

因為supplier 話, 保養係2018年6月1號生效, 即係計由呔鋪買呔個日開始計, 唔係由車主同呔鋪買呔開始計.

所以, 部分呔鋪可能係6月1日前買左既呔, supplier 就唔計個啲係有保養的. 小弟都有部分既馬牌呔係鋪頭都係6月1前買, 仲諗住佢會有埋保養, 點知原來冇. 聽完都覺得幾可惜. 咁我算係唔好彩吧? 原來買左入左貨, 又冇賣出, 之後又俾唔到人保養.

Anyway, 投訴完. 入番正題.

(6月25日更新)

岩岩得知, 基本上所有6月1號後既, 客人所買既馬牌輪胎都會有保養的. 記得同番呔鋪問番啦

保養細則:

入面詳細既就唔多講啦. 自己可以睇一睇. 最主要知道既係:

1. 保障計劃只包括因道路而引致的損壞，例如︰刺穿、割傷、隆起、撞擊而導致破裂等的意外情況
2. 從輪胎購買日期起180天內有效，而且行車里數不多於>18000公里。
3. 私家車呔裝落客貨車係不在保養之內的

唔好諗住到差唔多咁上下就自己吉爆條呔. 特別係呔肚 (sidewall). 當您搵野吉入去個時, 入面既壓力比出面既大, 大量空氣會由呔入面想由呢個孔出黎, 個孔都會令到車呔結構受損的關係, 有機會引致"爆炸" / "炸呔" 情況出現. 令自己受傷. 

資料來源: 香港馬牌總代理, 旭宏輪胎有限公司

https://goo.gl/bJ7bPv

保養好, 係好在, 

如果真係中釘, 咁就真係幾好可以換番條新既. 對車主都開心.

唔好既, 

A. 其實麻煩在於自己要whatsapp 去註冊, 而唔係因為買完呔一張收據就可以有保養. 仲要係3日內註冊. 相信註冊時仲要填好多野. 至於填咩, 黎緊有客裝既時候就知了.

同埋要自己影完相再whatsapp 問佢. 手續上比較麻煩.

B. 更換新既輪胎, 個費用都係要搵番呔鋪問價的. 因為安裝同戥呔始終都係呔鋪搞.

C. 要貼個行貨貼紙上去, 保留住張卡

D. 保養細節並非寫係張卡到. 而係網站到. 網站並沒有更新日期. 即係話, 如果公司有一日改變左細則, 就可以即時係網站到改而無需通知車主. 車主都唔會成日上佢個網到睇係咪改左. 如果保養細則真係買左呔之後180日內改左, 咁點算? 因為車主都可能係因為呢個保養計畫先買左馬牌. 不過我估馬牌又唔會冇啦啦改細節既. 

不過呢的都係小事. 最好既, 都係有得保養, 唔駛再驚買完新呔後冇啦啦中釘仲要再買過新. (真的, 有客買完新呔3個月後中左粒大釘補唔到)

FAQ

1. 條款上寫住: 輪胎必須在授權的經銷商購買. 但係我地間鋪, Tyrehood, 唔係佢地經銷商既名單上面喎. 咁仲保唔保?

Answer: 保. 因為我都已經再三確認左. 有晒証明. 

2. 如果買既呔係2017年, 之後確認左換既話, 會唔會換左2016年 / 2018年既呔嫁?

Answer: 唔會. 只會俾番2017年呔您. 如果冇2017年呔, 會俾番2018年呔.

3. 如果自己買個款呔冇貨咁點算?

Answer: 您可能要等到馬牌入番貨既時候, 代理就會俾番條新呔您, 或者係補差價買另一款

4. 經保養換番黎既新呔, 要裝番上車既費用點計?

Answer: 全免. 即安裝同戥呔會免費. 但車主必須要係我地 Tyrehood 既鋪到買馬牌行貨, 同埋成為 Tyrehood 既會員先有呢個服務. 否則我地都係會收番正價既安裝費同戥呔費. 

但係, 如果您揀諗住去另一間鋪幫您去裝番條呔, 您自己就要俾番安裝同戥呔費等既服務費啦.

--------------------------------------

要成為 Tyrehood 會員, 可以即時去我地既網址: https://www.tyrehood.com