係上一次就講到分別有三款呔紋, 而不對稱呔紋又係市場上佔左一定既地位.
不對稱呔紋輪胎有既標示, OUTSIDE, 都好明顯話俾人知個位係對出, 就應該可以裝係部車任何前後左右既位置...... 直到我俾人問左一個問題, 我發現我自己真係唔夠細心.
當呢種呔裝係左面, 同埋右面既, 就會發現呔紋其實係唔同左方向. 今次就拎左Kenda KR400 既不對稱輪胎睇睇. 細心觀察下, 裝係左邊既呔紋(由出面去入面睇) 係由左上角去右下角. 而裝係右邊既呔紋係(由出面去入面睇)由右下角去左上角
正常黎講, 裝係左邊既呔紋應該同裝係右邊既呔紋成為倒影 (如下圖, 用紅色線示).
係最後決定生產出黎最後都係得一款, inside outside 呔紋而不分安裝於左或右, 好似係因為製造成本費會較平, 同埋根據測試後發現就算似照第一張圖既情況下安裝, 性能都冇問題.
不過咁樣睇第一圖既裝法, 總係覺得好似.. 怪怪的?
外國市場都好似有不對稱既呔係有分安裝於左及右. 不過係呢到香港, 都係唔好諗咁多啦, 跟番佢話係OUTSIDE 就向番出咁裝. 因為我地都冇得揀. 只係得呢啲OUTSIDE 同 INSIDE 既呔.
