Tyrehood Blog Sharing: Tyrehood Zone

(如果唔想睇咁多內容, 可以直接睇最下面了解應用程式既下載方法)

如何使用

(注: 暫時只岩俾私家車同輕型貨車)

當寫呢個apps 既時候, 盡量諗左唔同既方法希望幫到車主爆呔既時候應該可以點樣搵幫手. 諗左好幾個情況. 可能大家第一次真係用既時候唔係好知應該揀咩 "請求" 係個apps 到先, 特別係當您見到只係條呔扁左, 因為有好多既方法其實幫到您. 最好可以講多少少係備注到, 俾其他人知有咩方法可以幫到您

必須填上請求, 汽車類型及手提電話

請求選擇:

補呔 -- 您見到有明顯既物件如釘吉左入條呔到

充呔氣 -- 隔左一日之後您開車前見到條呔扁晒, 或者您行行下突然發現扁左, 但又見唔到有明顯既物件吉入條呔到, 可能搵人借個打氣既儀器 (因為油站又唔係你附近, 或者你驚你捱唔到過去.)

更換後備呔 -- 您車上有後備呔但係唔識換.
(注: 必須留意車上的後備呔是否有呔氣, 如果冇既話, 都可以試下用既, 如果要比較到底用冇氣既後備呔, 定係用現在車用緊既冇氣呔. 如果您而家用緊個條呔反正都冇乜呔紋既, 就唔駛換, 直接換新呔算吧)

借電撻車 -- 其實同車呔冇乜關係, 不過有不少車主走黎我地鋪到問可唔可以借電去撻車. 最常出現都係朝早既情況. 您明的.

借後備呔 -- 您覺得就算充呔氣都係冇用, 都係捱唔到過去附近呔鋪/車房補呔, 想換後備呔但係又冇 (Yes. 由不知幾多年開始既BMW, Tesla, 同某的車都已經冇後備呔, 因為話要減輕重量, 同埋轉用防爆呔就得嫁啦.)

拖車 -- 您身處既位置係又冇呔鋪, 又冇車房, 又冇乜其他車主係到可以借到後備呔(仲要係如果佢地有的話). 打氣又冇用, 因為(覺得)條呔好快又漏氣 , 特別係見到條呔已經見到鋼線

當然, 想要既野, 唔一定有, 如想搵人可以黎現場補呔, 但唔係所有車主都有佢一套既補呔用具係車到. 但係佢地可以用其他方法(如有個打氣既儀器)幫到您打住氣頂住先, 都可以一樣係個apps 到揀到. 唔一定只係可以揀到您請求既野.

最重要講既係, 個apps 係免費俾大家用的. 只要我仲做緊呔鋪, 都仲可以用的.

有的咩意見可以改進個apps, 話俾小弟知, 俾的時間我改改.

希望Apps 幫到大家, 互相幫忙.

-----------------------------------

個apps 岩岩上左google play 架上啦. 大家可以直接係
1) google play store 入面輸入 "Tyrehood Zone" 就可以下載啦, 或
2) 到我地既facebook page - Tyrehood Zone 都可以下載

應用程式限制:
- 只限Android 手機 (如果岩用既, 我會再推iphone App 的)
- 只限Android version 4.2 以上. Android 8.0 應該用唔到. 因為8.0 成個寫法完全唔同晒. 如果您係下載唔到, 又想用既, 我盡量快的推出岩您version 既手機.