係上年一直努力研究緊的hardware 既野時候, 發現其實有不少車主都睇小車呔爆呔既問題 (我指既係, 不少車主都仲繼續係冇呔氣既情況下行駛). 所以小弟把心一橫, 一於先做個apps 出黎, 反正都要寫apps先. 就出左個救車apps 先, 之後再繼續做hardware 既野.
先講下, 如果條呔冇氣 或者"爆呔" 但您照繼續行車時可能會發生既事:
1) 呔肚開始出現一條黑色既圓周線
呢條線(紅色箭頭所指) 係一個警告, 行緊呢條車呔已經唔係靠呔入面既空氣支撐車既重量了. 已係用緊車呔兩邊既力支撐住.
(唔記得影細呔, 先用住大呔做參考)
大中呔既黑色圓周線可以係因唔夠氣引致, 遲的再講
如果仲係薄薄地的話, 補完呔都仲行到冇乜問題.
2a) "內傷"
當出現左黑色既圓周線, 幼幼地既黑色圓周線就會變得越大. 車呔入面開始甩膠粉. 越多就傷得越重. 如果拆呔出黎既話, 有機會見到呔既鋼線.
出現呢個情況, 視車呔傷既程度. 通常補完之後都仲行到. 但係唔會行得好耐. 個支撐重量會有機會減弱左. 同最主要既係, 如果又爆呔自己又唔覺既時候行車, 咁好大機會就出現 2b 既情況了
紅圈上所見係車呔係冇氣既情況下行駛而甩出黎既膠粒
(影得唔係好清, 下次再補多張)
2b) 呔肚分離
當係冇氣既情況下行駛左好長既距離 (幾多我就唔清楚啦), 鋼線己經支撐唔到引致斷裂, 呔肚就會被扯開.
遇過既人通常都唔想再發生第二次. 因為真係好可怕, 特別係行高速公路仲可怕.
2c) 生"仔"
可能呔肚未分離, 但係就凸左個波型既出黎 (可能係呔肚或呔紋位置, 當呔內有氣既時候先會出), 代表個個位置既鋼線斷裂, 隨時會爆. 最重要留意係, 千萬唔好篤佢, 因任何既壓力都可能會令佢爆, 令到自己及途人受傷. 如果您係冇氣既情況下走左去補呔, 咁自己就要留意下唔好行咁埋)
(暫時借住google 的相, 下次有機會先影相)
開呔鋪, 要換呔先真係賺到錢. 所以見車主對於忽視呢的問題其實對我地黎講係一件好事. 不過我自己就想做多步去令大家可以都再用耐少少車呔. 至少可以環保的, 所以就出左呢個 Tyrehood Zone 俾大家用.
Tyrehood Zone 主要係想車主可以大家互相幫忙, 只係針對車呔出現問題既時候可以易的搵到附近幫手或者係搵專救車 / 拖車既公司幫到您.
下一個post 出有關Tyrehood Zone 既應用. 希望真係幫到大家. 如果有咩意見可以令到apps 更加幫到手, 請提出, 小弟會盡我全力改進.
