1. 呔上既"毛"係可以用黎判斷車呔仲用唔用到
其實呢樣野當初我冇研究. 因為我知呢樣野唔影響實際行車情況. 但最近有個客同我講話有位technician 話佢知呢啲"毛" (或者係咪叫頭髮) 係可以判斷條呔係咪仲行到. 如果啲"毛"甩左就係講緊條呔差唔多要換啦.
(我唔知中文叫咩... 呔毛? 呔髮? )
但係呢... 製造商唔唔會冇啦啦整到成條呔都係毛黎為左話俾人知個啲係用黎判斷輪胎仲用唔用得(真係整條毛). 特別係本身輪胎上面已經有指標話俾人知呔紋用到邊個位就差唔多換. 但我當時又解釋唔到呢啲係咩黎....
所有輪胎製造商造出黎既呔都會有呢個指標. 呢個指標代表現時輪胎深度係1.6mm (通常都好準)
香港既交通法例, 輪胎深度需要為 1mm. 即係您行到呢個位都仲可以繼續行.... 但係您估您真係可以行到呢個1.6mm位咩?
https://tyrehood.blogspot.com/2016/10/check.html
直到之後... 知道係咩黎啦.
呢啲"毛"既有個名叫 "vent spews". 係製造輪胎過程中會輸入氣壓(番新呔其實都同一做法), 但過多既氣壓會令到有空氣夾住左係膠入面. 所以需要排出多餘的空氣時就產生左 "vent spews".
2. 點解新呔冇包裝 (好似買新電話咁)
十幾二十年前都仲會. 但而家好多牌子都可免則免. 因為包住咁多條呔另外拆晒出黎後都會製造大量垃圾. 仲要幾十萬條呔都咁拆.
由於唔係真空包裝, 唔會因為包住就令到條呔壽命加長. 最多只係冇咁易污穢.
至於點樣睇全新呔... 其實真係好難. (全新呔定義係, 未有裝過係車上行駛. 就算該輪胎裝左落車後行左1cm 既距離都係叫舊呔) 因為當新呔裝左上去部車, 有部分呔既呔肚位會有黃點紅點, 都冇咁快甩.
3. 點解冇歐盟標籤EU label? 個款呔既EU label 個數值係幾多?
歐盟標籤, 睇個名就知係歐洲國家既標準去睇條呔既性能. 主要係聲音, 耗油, 同埋濕地性能. 歐盟標籤係俾歐洲國家用, 唔係俾香港用. 當然唔係條條呔都會有歐盟標籤. 您可以用黎做一個參考, 但係呢一個參考並不會準確. 因為天氣, 地面等情況同香港唔同. (雖然地面大家都用緊 asphalt 但都有分唔同既mixture, layer, micro etc)
另外, 由於香港係冇標準去睇, 當然唔需要有歐盟標籤, 就唔會款款呔都會有. 加上, 唔係款款呔都會出國去歐洲, 就算有, 間廠都唔會每一批生產既呔都貼上歐盟標籤. 更加答唔到您到底個數值係幾多.
(因為有個客好唔相信我, 問我點解Firestone 個條呔係冇歐盟標籤, 係咁既咩?)
btw, 歐盟標籤將會於2021年5月1號開始改變有關要求. 到時又會有唔同既標籤.
4. UTQG (Uniform Tire Quality Grading)
UTQG 係美國既輪胎測試標準. 有別於 EU 既係佢睇 損耗(Wear), 咬地力(traction), 溫度(Temperature).
e.g.
Sailun Elite Wear ->360, Traction -> A, Temperature -> A
Goodyear F1A5 Wear->300, Traction -> AA, Temperature -> A
如果只係睇呢兩個標準, 事情就簡單. 不過Engineer 既野又點會咁簡單.
一定要用最新既製造年份?
每一個消費者都想要新年份既呔. 有邊個唔想. 就算去超市都會揀番個冇咁快過期既食物. 更何況係用係部車到既呔.
由於唔少都有聽聞過, "由製造年份計起, 去到某幾年就要換嫁啦, 條呔老化嫁啦"
如果有睇到上一個post, Michelin, Dunlop, Pirelli 等輪胎製造商既網站都有提及到, 根本係好難去作出預算去計幾時真係老化 (Oxidation).
再加上香港既輪胎供應商都有個 "有蓋既倉" 擋風擋雨擋太陽. Keep 好存貨.
由於輪胎冇 "幾時過期" 呢樣野, 一於睇睇唔同既參考睇睇.
A) 英國政府係2020年7月決定唔俾大型車輛, 包括小巴, 使用已經超過10年既輪胎
英國其中都參考左Michelin 所提及到既, (tyres should be replaced after 10 years)
其他好多唔同意見, 都圍住 3年, 6年. 香港都有其他鋪頭講3年.
咁到底係咪一定要最新? 一定要當年既製造年份先最好?
Follow 或者 Like Tyrehood facebook page, 等我知多人對輪胎問題有興趣, 我先再講解多啲.
