曾經有人話, 戥呔幫佢整走晒的鉛先戥
我原先唔知個戥呔既原理個陣, 都會覺得係整走晒的舊鉛先岩.
但係當我再研究, 同實驗左之後, 我就係到諗, 到底係咪必需, 定係車主只係為左個靚?
戥呔作用係為左將車呔既重量分佈平均番
部機會轉條呔, 再計算邊個位需要加番的鉛落去
如果舊既鉛仲係條鈴到, 會唔會影響到戥呔?
Theory 係會 (我唔否認). 但實際做左個實驗後發現係唔會. 個總共用既重量 既鉛, (拆左舊既鉛, 同冇拆到 -- 當然係要做的手腳, 而去貼上新既鉛), 係冇分別, 都係一樣重量.
(得閒想黎鋪頭搵我傾計可以問我個實驗結果)
如果因為想戥呔戥得準而拆晒的舊鉛既話, 做既野唔止係拆舊鉛, 仲需要洗埋呔鈴入面的塵, 因為塵都有重量, 有的呔鈴的塵仲多到真係要鏟好耐先可以清到個位出黎去貼鉛.
要戥得好準 (100%準), 唔止係新舊鉛既問題, 仲有其他因素, 而花費既時間相對一定多.
而我assume 每條呔都要 50g (有的仲去到150g) 既鉛去戥呔的話, 換4條呔就要拆 200g 鉛, 即您就掉左至少200g 鉛落堆填區到.
積累埋其他車, 如果10幾萬車, 加埋都係20,000,000g 既鉛掉去堆填區,
無野既, 都係冇咁環保.
我呀哥話睇落會靚的, 我自己就唔係好明啦. 行左一排, 連的鉛都會鋪晒塵, 您又會唔會洗車個陣連埋鈴既鉛都洗乾淨? (當然我係唔排除有呢的咁既車主)
會既真係交流下, 因為有的真係好難洗下, 可以教下我
Otherwise, 如果您係只係為左戥得準而想去拆晒所有舊鉛, 或者係為左裝新呔, 所有野都要新所以連鉛都要新 (就算其實唔影響車既運作時), 會唔會再三考慮一下, 為左環保出一分力, 唔再要求拆舊鉛呢?
沒有留言:
發佈留言
注意：只有此網誌的成員可以留言。