換迫力皮

最近有個熟客想換迫力皮, 我同佢講, 不如過黎我到, 一齊搞啦. 反正我自己又學過, 學完唔用會好快唔記得的

最後我地換左對雜廠既迫力皮, 聽佢話一對前既迫力皮 $320 (H1 van 仔)
雖說佢想俾番 $100 我, 但我最後都冇收到佢錢, 因為熟客.

所以, 我就一諗, 如果大家都需要需要換迫力皮的話, 可以帶埋黎換呔個陣換埋.
至於收費,  如果您自己搞埋的話, 我都唔會收您錢的.

但係如果要借用具去搞的話, 除非係熟客 (定義為買及更換新呔4條以上), 否則小弟都係要收番小小錢的.

如果要搵我自己一個搞的話, 咁就要睇下咩車款啦. 雖然多數都係大同小異, 但係好似有部 Tesla, 佢係用兩對迫力皮的, 咁呢的我就唔搞啦. 至於收費, 如果係熟客好多時我都唔收的.


如果要睇迫力皮, 通常都睇上面既厚度, 不妨都睇埋下面, 有啲車可能會好似相咁, 下面其實wear off 左

買石橋 Bridgestone T005A 送 Esso 入油券

最近出完個 Dunlop Sport Maxx 050+ 個優惠之後 (可惜太遲知, 唔係都仲可以做長啲), 石橋原來係最近都出左個優惠, 不過唔係價錢, 而係送Esso 入油券

呢款新出既 T005A, 係為左取代GR100 已推出.

睇一睇T005A 係咩款先

據了解, T005A, 除左一樣野同 GR100 係一樣之外, 其他既性能如耐用性, 濕地性能等都提升左.

仲有話, 香港既水貨, 係有款叫 T005, 同呢款既 T005A係有唔同嫁. T005係歐洲制的.

而家, 買T005A 行貨呔 R16或以下, 換4條就會有 $100 Esso 入油券. R17或以上換4條就會有 $200  Esso 入油券

係呢的情況下, 我都會好細心睇多樣野, 就係, 買呔送入油券有冇條款及細則約束呢?

(我以前打工既職業病又黎啦)

石橋網站寫話:

"現由即日起到2018年9月15日的推廣期內*，凡購買兩條14-16吋全新T005A，即送價值港幣50元的油劵；而每購買兩條17-19吋全新T005A，即送價值港幣100元油劵，多買多送，欲購從速。"

[* 此優惠只適用於行貨輪胎，請於購買時留意行貨標籤，方為正貨。]

那, 佢明明係寫住話 "多買多送，欲購從速。", 佢係冇寫到 ---- 送完即止嫁 !!!!!
即係話, 由當日佢開個post , 到9月15日, 無論車主買幾多, 都會有入油券送. 

睇出新呔同舊呔之分別

最近又多左好多客問, 係新呔定係舊呔.

舊呔同新呔表面上睇係有好大分別. 就算 9成新都好, 拎條新呔(大中細呔都可以用黎) 對比, 都可以即時睇得出.

如果都係唔識睇, 好快咁講兩句

     舊呔                                                          行貨新呔

無任何標籤, retail 同客就咁睇係分唔到行貨定水貨

行貨一定有標籤

水貨都有得點睇係新呔, 不過暫時唔講住.

就係咁. 為左俾大家更了解, 當呔鋪同您講, 係水貨 / 行貨既時候, 都一定係新呔