北京 -> 🚝 呼和浩特東拎車 -> 🚙 輝騰錫勒 -> 🚙 呼和浩特市 -> 🚙 (包頭) 響沙灣 -> 🚙 包頭 -> 🚝 回京
前後2日係北京， 5日係內蒙古。 最後實際玩得3日半(因天雨及本人受傷關係)。
睇完呢個行程， 自己衡量是否要東西兩邊走。 （因為包頭係靠西面， 呼和浩特係中間，輝騰錫勒靠右） 我個人唔建議兩邊走, 除非您好想睇埋沙漠.
內蒙古行程
🚙神州租車7人車只得呼和浩特東站最近先有得拎車。 如果您全部人唔需要租7人車的話(租兩部以上5人車)， 建議您由烏蘭察布個到起步拎車， 大大減少左高鐵同渣車行程 （起碼交通少左3個半小時）。
*租5人車最好租SUV / 4驅越野車。 因為有啲路用呢啲車先好行。
***留位放link, 拎車前check 車清單***
由呼和浩特東去輝騰錫勒 有三條行車路線，
🟡2）市區 -> 京新高速 -> 110國道 -> 科涼線 (時間充足可以揀呢個, research 話呢條線靚景, 但要行多 一小時)
⚠️3）市區 -> 京新高速 -> 集那線 -> 科涼線 (聽講呢條路好難行, 唔建議)
原定我係去程行( 1）， 回程行(2） ， 但由於受傷入院治療關係 搞到又少左時間影相 😭😭 冇行到(2)
如果您由烏蘭察布過去, 好多人建議走番高速. 雖然科涼線靚但路難行. 如果您自問渣車高手, 租左部4x4 越野車既話, 不妨一試再話我知.
輝騰錫勒
6-8月去係最佳月份。 早一個月去都唔得。 冇草睇。 仲有機會落雪。
(自己買左部新相機冇睇到setting, 搞到影得唔清milky way)
入面有個叫黃花溝既景區要俾錢入。 單單想係草原影相起碼要一日， 如果想去黃花溝都要一日。 所以兩樣都去要兩日（即三日兩夜）。至於值唔值得去景區就自己決定啦. 我就揀左唔去.
每夜晚都會有 溝火晚會。 即係campfire （對我黎講冇乜特別。 當年中學每年都搞）。 但接尾聲就會開始放煙花。 可以去前台買煙花玩。 通常見啲人玩既係 「加特林」， 狂發射煙花個種。 老細自己會出一個勁既黎放。
我住個日 唔知係咪隔離啲人放得太勁， 個老細每人送一支「加特林」 俾啲客放、 佢自己再拎支勁野出黎同時間一齊係頭頂上放。 雖然不及日本花火大會個種咁大area, 但係您頭頂狂放， area 都唔細。 再加埋隔離啲蒙古包又放啲勁野， 個晚級數全面升級。
如果唔係屋企人原先驚啲蒙古包有蟲有異味， 我一定揀住多一晚。 屋企人話toilet 係有啲味但我聞唔到。 蟲， 就一定有。 都係啲好似大螞蟻. 始終都係郊野。 我捉走左3隻掉佢地出去。 （其實其中一隻係床到我冇講到）
綜合下輝騰錫勒草原
必去地方：
岩睇日落, 騎馬. (research 到好似話呢到騎馬係最平)
2） 其他地方可自行駕駛再泊埋一邊入去行, 影相, 飲荼. 主要都係睇下大草原
住：
馬頭琴大帳民宿
住既係新式蒙古包。 冇冷氣但有暖氣。 有獨立廁所, 有浴室寳。
lunch, dinner 都可以係住既個到食。 想去其他地方到食都得。 朝早早餐係包埋。簡單porridge, egg, 仲有spicy 既面。
Lunch 我去左另一間到食, 唔算差但又唔係特別好 : 咩咩餐廳.
不過坐位規矩就有啲死板. 我全部人加埋6個人, 見冇人打招呼咪自己入搵位坐囉. 搵左最邊位靠牆既, 張台大啲. 疑似老板娘先問我地幾多人. 唔夠10人唔可以坐. 最後食左差唔多一個小時, 成場都只係得8張台有人, 其中只有一台先係坐10人台. 2點幾都冇乜人會食lunch 先好心開放下.
影相:
2) 住宿入面一定有得借蒙古服。 $50 兩小時。 要埋頭飾就要同時化埋妝， 加埋total $150
呢到都係唯一您會買到較平既手信: 蒙古商城
注意營業時間. 如果您打算計劃有日係去紅石崖咁當日您應該冇時間去呢到. 如果您朝早去呢到, 唔建議之後去紅石崖 (兩邊都就唔到時間), 直去敕勒川草原吧.
我幫您地西選左三間只需要去既地方買.
第一間: 一入門口係右邊個間 (未入到去電梯位). 有得試食. 有三款係佢自家製既. 其中一款自家製既, 唔係夾心個款特別好食. 好重奶味. 📣📣📣推推推.📣📣📣
(非常之酸, 冇乜重奶味. 但真係要一試. 我都係第一次飲馬奶)
第三間: 係2樓有間賣蒙古包鑽匙扣: 只售 RMB2 . 實物擺設可以上去買. 2樓係唯一個間可以行. 其他都可以走馬看花行下就可以閃.
紅石崖
處於2000米以上. 絕對建議一早去. 因為我地中午之後出發, 都好多車, 會塞塞地. 我地最後上到一半後就唔上去, 因屋企人高山唔係好舒服. (好在落番黎, 否則冇得食必食之一既冰煮羊).
如果您計劃到上山, 我之前既plan係直去紅石崖門口俾錢後, 車可以自駕入去, 直上最頂位置叫"天賜草原". 直接係個到影相就得.
如果唔上去紅石崖, 可以係中途去敕勒川高山草原再回程. 係入口處可以買票 (好似每人RMB25) 來回程. 唔記得.
*注: 紅石崖係我去之前幾日公佈話唔俾人自駕入去. 只可以坐佢地既旅遊巴. 之後隔左幾日又俾遊客可以自駕入去. 保守起見建議計劃定第兩條路線. 第時又出現唔俾自鴐真係唔值得入去.
**帶定野食, 野飲.
敕勒川草原
如果冇時間去紅石崖, 都可以去敕勒川草原代替. (有別於敕勒川高山草原, 係山上)成大幅草原好似一個勁大既公園咁. 入面有路可以行. 呢個草原最方便既係, 您可以入口租部車仔係入面周圍走.
唔好處係, 停車場位於較遠既位置, 目測由停車場去到入口都要行15-20分鐘.
市區
住: 全季酒店 (房總共有6支水提供)
食:
1) (必食)澤成冰煮羊
係呼和浩特市有多間分店. 要注意行程您趕唔趕到去食. 部分 分店有好多人, walkin 要等. 可以提前打去預約. 如果您肯定到個個時間去到, 建議係預約. 我地就walkin 大約等左5分鐘內就入得.
*link to see steamboat video**
其他都有好多好食既野 我冇去到. 如果您有一日行程係市區, 可以係睇景點附近到搵野食. 個到都有好多.
包頭, 響沙灣
我係去左響沙灣到玩, 並非真係包頭市. 由呼和浩特去響沙灣大約2個半鐘頭. (我要3個鐘頭因為部iphone XR hang 機 miss 左個出口)
最大失誤係時間控制問題. 如果您唔可以係朝早8-9am 到景區check in. 建議一係計劃先係包頭住一晚再第日一早去. 再唔係就住多一晚.
響沙灣景區有４間酒店，當中一間並非係沙漠中間. 另外三間最貴係叫 "蓮花", 其次係 "順沙度假酒店". 呢間野食野要坐車去 "福沙島"到食. 食既種類較多少少, 僅此而且.
我自己揀左另外個間叫 "福沙島", 三間沙漠酒店中最平既一間.
呢到既接駁區, 就係交匯處. 由酒店去園區玩都要去番呢到落車再轉車去.
住係包晒三meals, 景區入面有"fast pass" 唔駛排隊直入去玩, 除左有個地方要等小火車番去個交匯處冇 fast pass 隊. 等左大約10 - 15分鐘左右 (多人的話, 特別係落大雨, 開始叫人走)
由於我咩都冇係個到玩既關係, 我就唔提入面有咩特別野要玩啦. (除左滑沙, 去到沙漠點都要滑沙)
回程由景區番去包頭東站 (我係個到上高鐵回京), 大約1小時左右. 直接係個到還車, 完成左最後旅程.
總結係: 唔夠時間玩. 有幾樣項目全部都去唔到. 如果可以玩多幾日, 咁就差唔多.
當然又提一提, 出外旅遊, 買番個旅遊保險最隱陣. 我自己, 就買QBE旅遊保險啦.
btw, 當年中大天文學會每年都會搞去內蒙響沙灣到觀星. 最近發現, 科大天文學會都有搞去內蒙古觀星, 不過唔係呼和浩特, 係......
呼倫貝爾.... 我下一個自駕遊目標之一.
