出發前準備以下:
中國篇
1) 下載神州租車 / 一嗨租車 app (android / ios) 🚙
📱我最後揀神州租車, 因為只有呢個用到香港電話註冊. 一嗨無論我用android, iphone, 定網站都係收唔到香港電話號碼SMS註冊. (雖然我有內地號碼)
注意:
(a) 🚙中國內地交通條例下, 就算一名手抱 B 都係計一人. 所以, 若出發總人數(包括所有小孩)為5人以上, 必須要租7人車. 就算不占座位都計一人.
(b)📅 建議部車年齡2年內為最佳. 否則當日租車時必須要檢查清楚先好出車. (check 車清單會放係另一個post)
*留位放link*
(c) 未拎車前隨時都可以改, 包括延長租車及異地還車. 我就係出發前三星期最後決定要租多一日, 係app 入面更改後再補錢.
(d) 中國內地保險分為 交強檢 及商業險. 租車時, 交強檢已經要被強制購買. 商業險可自由購買. 唔買都得. 但我建議一定要買埋. 唔一定買最貴, 但唔好買最平. (有搞港車北上車主應該都識, 除非又係咩都唔睇)
(e) 您可以另外俾多幾十手續費, 還車前唔駛入油. (不過之後都要係app 俾番油費)
(f) 出發前, 留意當區交通條例時速限制. 廣東省交通條例與其他省會有分別. e.g. 某啲地區有buffer 可以多於10km/h - 20km/h, 但有啲地區可能以 百分比去計, 即個條路行 100km/h 既5%, 只可以行within 105km/h
特別注意:
如果您揀好左個日期時間租車但未能係個個時間取車, apps 會彈信息話您知, 要係8小時內取車, 否則視為訂單取消, 冇得退錢.
如果您既行程因為天雨關係遲左一日先到既話, 建議您都同個客服講聲.
取車時:
check 多次車匙, 入面有冇"行車證" (通常用藍色既套入住)
ii. 影底錶版(ODO同油). 通常都入滿晒油
iii. check 部車既情況
*留link*
還車前/時:
i. 入滿油
ii. 搵番個車位泊. 唔好亂泊. 因為抄牌都係入您數.
iii. 檢查有冇漏野. 車匙記得放番入車到.
iv. 係apps 到禁還車, 之後會叫您影晒部車既四邊做紀錄. 最後禁左完成後, 部車會自動鎖車.
2) 支付寶 app
📱如果您只係用微信, 建議您都開埋支付寶. 因為入面有個叫"芝麻信用", 可以用黎租車個陣免押金. (押金有時要俾一萬, 聽講好似話唔可以用香港信用卡. 唔清楚)
**所有付款, 就算係內蒙古, 都係可以使用支付寶/微信付款. 唔需要帶大量金錢.
3) 高德地圖 app
📱必裝. 有日自駕去梅洲經過村莊小路時, 就係靠佢得知前方彎位有貨車過緊黎.
注: 手機建議要3000mAH 容量以上. 因為我部iphone XR 唔夠大容量, 差住電咁導航, 日頭曬住車頭導致部手機係行駛左2小時後就hang hang 地. miss左一個出口位. (好在下一個出口唔遠)
4) 12306 高鐵 app
📱如果您未用過, 一定要裝, 註冊, 同埋加晒同行既親朋好友既資料(証件)落去. 6歲以下小孩免票都要係呢個app 加個名落去.
有冇同行小朋友都建議照排人工. 因為試過幾次都無法用張證自己過.
5) 配有CE 等國際認證的外置充電器
3C 認證外置充電器只用於中國內地的航班. e.g.如果您決定由深圳機場直去呼和浩特機場就要有3C 認證.
北京去香港屬於國際航班, 但都需要有國際認證的外置充電器. 此外, 無人機電池都會被檢查.
6) 高山症藥
如果去高度over 2300 米, 建議都帶埋. 呢個係我miss out 左既物品, 內蒙古之旅所到的黃花溝及紅石崖, 雖然高度好似話2300米, 但有屋企人見頭暈, 所以穩陣起見都係帶. 多幾粒藥, 唔會阻您好多位.
7) 購買旅遊保險
就算去中國旅遊, 買番個保險都係隱陣. 我自己就買QBE 啦.
另外仲有 AXA 旅遊保險65折優惠 (直至2025年9月30日) 可以去番網站入面跟番個指示購買. (記得幫我填埋個參考碼 🙏🙏)
https://www.tyrehood.com/discount.php
(optional) 8) 未上過急救班既, 可能裝埋個急救 app
